deep shade of purple

kunwari manunula ako. kunwari lang naman… isang korning tula ng pag-ibig! bwahahahaha!

isang tulang, sinulat ko tatlong taon na ang nakakaraan.

Kapeng Barako

Una muna’y pinili mo akong parang butil ng kape

Mula sa kaban ng iba pang mga butil na nagpupumilit makuha ang iyong atensyon.

Pinili mo ang kapeng walang sakit, makinis at mabango.

Nagiling ako sa iyong mga halik, yakap at matatamis na salita

Naging isang galpong tila handa ng timplahan.

Dahan-dahan moa kong isinalang sa kumukulong tubig,

Nang relasyong hindi lamang iisang beses napaso

Nasunog, dahil sa init ng pagdurusa.

Isinalang at inilipat mo ako sa isang munting tasa

Binawasan ko ang aking pagkatao para pagkasyahin

sa isang maliit na lalagyang walang hugis.

Paulit-ulit mo akong tinikman,

Paulit-ulit ko ring ibinigay ang aking sarili.

Ngunit noong latak na lamang ang natiran sa takure

at ubos na ang galpong bagong giling,

Hindi mo na pinakuluang muli ang init ng pagsasama.

Bagkus at itinapon mo ang latak sa bintana. 

~ by deep-shade-of-purple on December 13, 2006.